第六日 - 無眼睇

每當三餐在外搞掂時，就一定會出事。
隨心隨意的在餐廳進食時，
超標情況...........................係難以想像架。

夜晚一入完細項，再望望個，超左一千一百，嘩。。。。。。大煲啦。

當時，想落街整返兩圈，都減少少啦，
點知人算不如天算，落大雨。
想點呀。。。。。。。


有咩方法可以係外面食野唔肥架？
有咩方法可以食得健康Ｄ架？
有咩方法可以唔落雨呀？
有咩方法可以比我繼續燒“豬”架？

第五日 - 191.5磅

今朝上磅，一望，嘩～～～～～～～191.5磅呀.
經過幾日既飲食控制下, 再加埋做下運動,
即時回落左3.5磅.
繼續努力先!!!!

我既目標 - 175磅
殺呀~~~~~

由於尋日無時間做運動,
唯有係飲食上控制下啦,
唔可以吸收太多之下,
成日都好似軟手軟腳咁.  >.<


可能成個下午都開會啦, 搞到個人呆呆地..............

夜晚係屋企一於整返杯正正蔬果汁先.
今次我用西芹, 蘋果, 檸檬, 西柚.

洗乾淨,切好哂, 整左一大盆.

切完就放落部機到搾汁啦.

完成品

呢一杯清腸胃一流呀!!!!!

第四日 - 返回正軌

黎到第4日啦，返回正軌先。

我都係嗰一句，減磅並唔係為左靚，只係為左健康著想。
依家實在太重啦，腰圍又超標，ＢＭＩ又爆，再咁落去唔多掂架。
經過左幾日既努力，可能起步階段，今朝上磅，竟然係１９２磅，咁快無左３磅。
哈哈～～～～～

繼續努力！！！

尋晚整左一杯健康飲品，入面有青瓜、西芹、蘋果、檸檬、甘荀......因為太好飲，唔記得左影相添。。。。

呢杯野真係清腸胃，今朝到目前為止，已經辦大事兩次啦。。。。。。勁呀！！！

第三日 - 好熱呀

昨日超哂標呀,
當我入哂D卡路里落個apps到時,
真係雙眼都幾乎跌左出黎,
超左755卡路里呀......如果要跑既話, 起碼要跑8公里,
我呢個死佬......要路成一個鐘左右.
救命呀!!!!!!

好.......為左繼續減,
唯有"忘記背後, 努力面前, 向著標杆直跑"

由於今日要返教會, 所以早餐同午餐都係街到食,
咁樣.....要好好節制之下, 先可以"收支平衡"呀.
係出面食, 真係好易出事.

所以.....要小心......要小心......

今晚我都係不放棄,
繼續整豆腐花,
今次我用左77g黃豆, 整左750ml豆漿, 再落2茶匙熟石膏粉同生粉.
可惜....都係.......凝固唔到,,,
仲係水汪汪咁......唉..............................

相對地,今次都叫做凝固到少少,

但相差太遠,,,,,,,,繼續努力!!!!

聽晚試下浸多D黃豆, 增加多些植物性蛋白,

睇下得唔得先.

第二日 - 超哂標

今日真係大件事啦。
因為要幫手教波，係炎熱既天氣下，
完成前、後，都放鬆啦，
食左好多，飲左好多，
當理單時⋯⋯⋯⋯大件事啦，
超標左好多⋯⋯唉。。。

聽日要追返條數先💪💪💪

另外呢....我這個為食的男人, 又要減磅但又口痕咁點算呢.....
見近日上司同我分享整豆腐花既經歷,
咁...我又試下啦.....
我都預備好哂D材料,
可惜.........凝固唔到......一盆水咁........唉..................
無得食................ >.<

究意問題出係邊到呢??
聽晚再黎先, 出力!!!!!

第一日: 實行計劃

從運動員生涯退下來已經十多年啦,

身體隨著少了訓練而發生變化...........變成如何......就是越來越肥咯.

唉..................................

以前是150磅, 現在 195磅啦.......重左成45磅.......點算好.............

唯有真係立下決心減肥咯.

從今日開始, 每日都寫下我既減重實況,

用意都係想提醒下自己~~~

---------------------------------------------------------------------------------------------------

現時我用緊一個apps, 係記錄返我每次進食既卡路里.

我輸入後, 若我每星期減一磅, 就每天只能吸收2010卡路里.

出力!!!