爆炸一星期

今個星期可算是我爆炸的一個星期。
星期三升級面試、星期四小試、星期六幫手做兄弟

關於星期三的升級面試，今年已經是我第六次啦。以往幾年都充滿鬥志、熱血進入去面試房，但不知何解今年就總是有種平安，個種有就有無就無既心態。可能面試得太多，已經沒有ｏ個種熱血咯。不過算啦，我都總算係平安過度吧。

星期四都小試，是夜晚進修既法律學位的小試。只是上了４堂的Legal System就去小試。仲要合格了才可以進入餘下的課題。
雖然知道合格率是好高，但心仍存在緊張的。始終是小試麻，亦會計到總分入面既10%的。
所以都要盡力去應對。

星期六到了岳才弟兄的婚禮。由於應承左，所以一定會全力協助的。由朝早五點起床，換衫出門，去酒店接新娘，去教會的感恩聚會，去天然居（長沙灣）午膳，去酒樓（尖沙咀）晚宴，一齊都全力協助，務求以行動去協助弟兄的婚禮。直至晚上十時回家為止。
人已經揸乾揸淨咯，不過每一項都是感恩的。

總結這個星期，雖然是攰到爆炸，但我看到的是神滿滿的感典。
感謝主！！！！

English Legal System - Done !!

課程規定，每一個學生都需要經歷 English Legal System既洗禮。學習一下甚麼叫Source of Law......Interpretation rules....同埋一堆讀都唔識讀既拉丁詞語.......

上完四堂之後，就比一個星期自己溫習下，就今晚要做個TEST咯。
個TEST有25條MC。有40分就可以合格了。

當我見到Ｄ題目時，一開始當然做自己識既先啦。一做就做左二十題咯。計起都有八十分咯。所以剩下的五條就用多少少時間去思考一下。

最終用左三十五分鐘就完成離開了。

走時，即時派發四大本Course Manual - Public Law, Law of Contract, Law of Tort, EU Law.

睇怕黎緊既上堂將會出哂力去完成呢個不可能既任務啦。
殺呀！！！

一啖悶氣

呢兩日心中的悶氣屈住屈，確實不能舒暢地任我行。
當看見自己內心的黑暗時，就更覺得自己是一個罪人，
若沒有主耶穌的血洗一洗，我的前途點算呢？
答案好清楚，只有死路一條咯。

感謝主，讓我可以有安靜的時間，對處理、面對內心的黑暗。
要Ｄ時間去淨化，要Ｄ時間去安靜，要Ｄ時間去消化。

今日沒有返聚會，盡情地讓自己不開心，盡情地讓自己灰爆。

我選擇了去自修室溫書，溫完書出去行下，
我沒有選擇跑步，
我只係想行下出身汗都好！！

雖然無乜心情跑，但行完之後，都叫做出左少少汗，
心情好返少少。
又望下個天，廣闊得心也跟住廣闊了。
感恩呀！！！

好爽

雖然都到左九點半,襯住有DD時間,都落街郁佢兩郁啦.
唔郁既話,肥死架啦.
加上,遲下又黎升級試,又黎體測,所以點都要跑佢兩跑,冀望可以體測時無咁辛苦啦.

經過上星期日去左機場尾之後,又愛上左跑入去.
好過跑去映灣園啦. 映灣園幾乎每次都中地雷,激到我死呀!!!

機場就有巴士,不過整體都OK既,至少無咁多"黃金"麻........

好~~~進入機場天橋路!!!!

正宗"月黑風高跑步夜"~~~

跑完係樓下抖緊時, D汗水爆到九彩咁呀!!

跑完,成身汗,超爽呀!!!

時間: 58分鐘

距離: 7.36km

消耗: 658卡路里

CPE Offer Letter

自從上左CLS後，就發現自己想更多的認識法律，就開始想考慮不如修個法律學位啦。
正常的途徑是CLS後，黎個DLS，成績有叮叮，就可以報讀CPE既。
但經過D資料搜集後，我既然有個學位，不如試下直報HKU SPACE 既CPE或UOL LLB啦。可以慳返一年時間，用４年就攞到個ＬＬＢ麻。

所以到左三月可以報名ＣＰＥ時，就即刻報名。我報得好急架，星期五出比人申請，我星期一就去交表啦。同時間，有位ＣＬＳ同學仔都有報，但佢好快收結果。而我就等到...........頸都長哂。

到左我灰哂心時，打算報ＵＯＬ　ＬＬＢ時，就收到ＣＰＥ既Offer Letter啦。

所以...........我既理想達到了。

至於點解我會選報ＣＰＥ先，而ＵＯＬ　ＬＬＢ後呢？
好坦白地講，我都存在一點點希望，想ＣＰＥ後報ＰＣＬＬ既。而ＣＰＥ後報ＰＣＬＬ係不需要再考個乜鬼Conversion exam.。
反而ＵＯＬ　ＬＬＢ後報ＰＣＬＬ就要考啦。

我就係憎考試，無啦啦考多個試，不如食鬼左ＣＰＥ算。

所以......黎緊既三年，我會斷六親架啦。我都相信跑步或踢波，甚至行山都可以減到好少好少。

第一年，我會係要搞掂
1. Contract Law;
2. Law of Tort;
3. Public Law (Constitutional Law);
4. European Union Law.

希望到時搞得掂啦！！！

接住落黎，我會不時係呢到檢視一下學習既進度。
希望到時得到大學既提點吧。

謝謝各位！！

10km

難得今晚可以靜靜地。
就不於將D notes放返入書櫃，落街狠狠地跑一轉。

自從舊年十二月拉傷左之後，除左渣全馬外，斷斷續續，痛下又唔痛，痛下又唔痛，所以都好耐無試過跑咁長啦。

見之前郁親都係五至六公里左右，今晚一於試一試跑長少少。
雖然速度就無乜架啦，志在出身汗咋。

跑既時候，諗起今朝主日所聽到既信息。

主日聚會提到其中一句令我好深刻：“主若不要我離開，沒有人可以叫我走；主若要我離開，沒有人可以留到我”
信主的人往往是這樣，前面的路唔知點行時，難關重重，睇唔到前路時，往往經過哂一道又一道關卡後，細心留意下，主的恩手一直拖住我地，甚至是主將我放係佢肩膊上，拎起我行過。主的愛可等深同厚。

再黎主日學，雖然我是導師之一，但是我總覺得我是主日學學生多Ｄ。可能主耶穌認為我以前學得不好，現在比多次機會我補課吧。
今日所講的詩篇二十三篇及六十五篇。
但當讀詩篇二十三篇第一句時，我的眼淚已幾乎跌左出黎。因耶和華是我的牧者，我必不至缺乏。
聖經是好真實，祂是我的牧者，是我的。雖然不是單單屬我，但就十分知道祂是深切地看顧我。
另外我必不至缺乏。是我必不至......這個必是好確實的。
只是第一節，我已深深感到主的愛满满地浸過我啦。十分吸引，十分享受，十分感恩！！！

唔覺唔覺，原來已經跑左十公里啦。要收步啦

距離：10.01KM
時間：１小時１７分
消耗：９０４卡

積極

臨近考試，腦不段的累積case law........ratio.......case name.....principles......確實有點兒吃不消.
不過，換過角度看，難得找到新方向，這一點難處，確實值得去跨過去。

但我的腦袋始終有限，不能一下子推太多野入去，唯有跑下步，出身汗，爽下先！！！
今晚我都係跑少少，５公里左右就收工。

邪惡的西多士

中午時間，跟弟兄開會後，個肚空空的，

不如來個下午茶啦。

我地去左一位小學同學開的茶餐廳 - 黃金冰室

我本來想食菠蘿油架，但係........賣哂！！！！

咁，就食我次選的西多士吧

呢份西多士真的害人不淺，實在太好多味啦。

再加埋茶走，肥上加肥，救命！！！

返到屋企，襯住未夠鐘開飯，一於落一落樓郁一郁先。

自從左後小腿不時會痛之下，我已經跑得好少好少啦。

所以但求出身汗算咯。

消耗：５６５卡路里

時間：４６分鐘

距離：６.１６ＫＭ

從重出發

“大考”之後，定了目標之後，
都係時候出發啦。

整個二月，除了全馬及恢復跑之外，
就沒有跑動過咯。

今晚一於跑下啦。

結果跑不動，氣狂喘，力沒有........................
點算..........仲話要殺佢一隻馬，吞佢一碟生菜，
睇怕比碟菜壓偏左都似.............


無問題既，我的目標是出身汗，
有一個較為健康的身體。

算啦，再黎“減磅計劃”！！！！


繼續努力！！！

距離：6.15km

時間：46mins

消耗：553 cals

今年目標 - 生菜+隻馬

剛完成了渣全馬後,雖口中說沒有下一次.
但過後,仍會想如何做好下一次.

接著落黎,透過報名玩下賽事,從而強迫自己做運動,
否則我的腩......真的會變成籃球架!!!

以下三個菜,希望本年度可以完全地搞掂佢!!!

1. 苖圃挑戰12小時
大會網址: http://c12hrs.sowers.org.hk/home/

如果參加的話,已經是第四次啦.
其實這個賽事,需要12小時內完成42KM.
主要行衛亦信徑, 由油塘至大埔.
環境的幾正架!!
希望到時可以挑戰到10小時內完成吧.

2. 圖騰跑 - 57KM
大會網址: http://totemrun.runourcity.org/en/

未玩過,但希望會玩.
如無意外會以東涌三寶名稱搞掂佢!!!

3. 台北馬拉松
大會網址: http://www.taipeicitymarathon.com/

自上次大阪馬之後,總是心痕痕的想玩多一個海外馬.
希望到時去到啦.

加油!!!!!

正式的Recovery Run

其實早幾日的recovery run完全不可以接受,頂盡只能叫作Recovery Walk而已

所以今晚都要正正式式來個Recovery Run.

自星期日都渣馬後,都已經一星期了.

跑既期間的所有畫面仍在腦浮現.

那裏無油....那裏上斜無力要行...那裏吃了一條蕉....等等

就是這些種種畫面,確實令我十分回味呀!!!

好啦,今晚不跑多的,目的都是輕鬆地慢跑一下就算吧.

總算出下D酸啦.

出完D酸,再拉下根.

希望係好好訓的!!!!

跟住,我都想保持做運動的習慣,

希望每星期都可以跑到三至四次.

繼續減磅!!!!!

距離: 6.04公里

時間: 41分鐘

消耗: 530卡路里

恢復跑 - 4.15KM

自星期日的渣馬後,

周身肌肉都好緊同好痛,

所以......今晚點都狠狠地走一轉.

起跑嗰兩步真係好攞命,

跑得非常唔暢順.......機械獸咁咯

不過算啦,我既目的都係熱下身,出下D酸o者.

爽呀!!!!

距離: 4.15公里

時間: 30分鐘

消耗: 397卡路里

大考後遺症 - 繼續出發

剛於星期日完成人生第五個馬拉松,
激動的心情到今日終於平靜了.

細心一想之下,我跑步的初衷,除了食更多的好野,就是想有健康的身體了.
所以.....雖然馬拉松期間心中不時大叫"最後一次",不過到終點後仍會想報名下一次咯.

好~~~~~收拾心情,計劃下今年想玩既賽事先.

其實所謂計劃,都係年尾既事,
始終大部分既賽事都係年尾進行.
所以呢....呢段期間要好好練下跑咯

打算玩既賽事係
57km 圖騰跑
42km 苖圃12小時挑戰賽
42.195km 台北國際馬拉松
21.097km 街馬 - 半馬

除左呢4個,我都應該唔會玩其他咯.

希望到時,我既目標係
1. 體重 175磅
2. 一氣呵成跑哂佢
3. 唔做步兵

殺呀!!!~~~~~

渣打馬拉松 - 全馬 (大考完成)

終於黎到大考日子啦,但係......滿有憂慮咯.
完全心身都未預備好哂,咁就去,.........今次真係滿擔心架.

早上, 一早同靚仔跑友Angus搭地鐵去尖沙咀.
佢跑全馬一組,6點35分起步.
我跑全馬二組,7點正起步.
雖然早左,都無所謂啦.
戰友呢D情誼,邊樹會計較區區早到少少呀.

好啦.佢起步後,到我都覺得差唔多啦,
係時候入一入預備區等起步,
可能早左入去,竟然望到個起點,
仲要倒數完,即刻跑得.............
以往排好後,當倒數完都要行多一大輪先到起點麻.
哈哈~~~~

自12月無啦啦拉傷小腿後,都唔係好用得力,
加上,時好時壞既情況下,實在不敢太用力.
上星期日,諗住試一試啦.
點知....都係仲痛........唉...............
惟有......唔用小腿力....o者係唔可以用力跑,
要保持慢速........希望以完賽為目標啦.

初初起步時,可能有DD暗斜啦,
開步有少少快......心諗唔對路,唔可以太快....
如果太快....會好似上次街馬咁,到18K就收工,
行都無力架啦.
唯有保持7分30秒既速度跑啦.

頭10km....15km.....20km....都無問題....但當去到25km......
一出長青隧道,只係有少少上斜,即刻無力啦.....我知道自己去到盡啦.
只可以行啦......行完個少少上斜,
保留到少少力後,又開始慢慢地跑,
希望首30km保持在3小時45分鐘內完成.

當去到30km既標誌牌時,我用了3小時54分.
比原定既多少14分鐘.
不過.....我知道自己落入安全區
o者係.....完賽既目標一定可以實現到.
所以餘下的12.195km....我既郊遊mode啟動了.
可以跑就跑,跑唔郁就行.

當去到最後一公里時,我心中的激動真係無辦法蓋住.
眼淚水狂標........o個種激動真係好難去形容.
正呀!!~~~~~

去到進入維園的最後一段路,我大叫左出黎,
真係從心底之中大叫出黎.
爽呀!!!~~~~~~

由無希望完成,再一步一步踏出去,
再而慢慢發覺完賽的希望可以觸及,
到真係到左終點.

我係無辦法想像到.
到今日我仍然想講"無下一次".
不過好奇妙地,完成左之後,
就會希望下次點樣跑得好D....等等.
哈哈~~~~~~

渣馬,下年再見!!!!!!

離起點最近的一次

25km無油之地

的確"唔理前面仲有幾遠", 我的下一句係"我都要衝破佢".

你地的下一句係咩呢??

幾辛苦之下,終於到終點啦.

這個完成牌得來不易

距離: 44.07公里 (以我apps計算而已)

時間: 5小時47分

消耗: 3632卡路里 

星期日之輕鬆走一回

昨天去了攞渣馬賽事的物資,
當中的賽T事件,看見網上不斷有人放大再放大,
我就............不想講咯.
唔需要執著呢件衫啦.
我跑步的初衷是健康,
有得參與比賽,已是我超標完成了.
所以......其他的不足介意啦.

早排,左小腿又有少少痛返,
今晚一於郁一郁,
試一試腳先!!~~

結果.......剛剛開始時不痛的.
但上斜就不大自然了.
唉.........................................

希望星期日盡力啦!!!!
去到幾多就幾多!!!!
殺呀~~~~

距離: 6.06km

時間: 43分鐘38秒

消耗: 519卡路里

渣打馬拉松 - 全馬之攞物資

一年一度的盛事,
感覺好似以前讀書時期的大考般,
今年不例如,我也是參加了全馬賽事.
希望藉著報了跑步,
沒有借口不做運動.....哈哈!!!!

今早九點半已到維園啦,
較以往的早.
不過這樣又好處多多,
至少排隊攞物資的人不多. 

當中有好多人因著賽事TEE而與義工們的爭論,
我就不太想評論.
就我個人而言,賽事TEE不是重點,
就算沒有這件TEE,我也不介意的.

我所看重的地方是,
自己能否在賽事中盡力,能否有享受,能否得到我預期的結果.
種種的挑戰自我的事項,能否一一達到.

至於,其他事項.....如賽事TEE,其他各項安排,
我是不會介意的.

其實參與比賽,所有會/不會預計到而發生的事項,
也是每一個比賽的特點,
甚至可以稱為"回憶".
這樣是應該抱著平常心去面對,
而不是以一種皇者在上的心態去參與.
任何是也圍著你去轉嗎??

惟有講句,
放鬆D啦....香港人!!!!

一群人係到搵自己個名, 只有報了全馬的才有名字咋!!!

千辛萬苦終於搵到自己個名啦!!!~~

年初三之朝活

今日已經係年初三啦，係假期的第三日。
呢幾日真係不斷地食食食，
好在之前都有跑下，減下，
所以磅數上，無乜分別，不過就好明顯，
跑起上黎，係易攰左。應該同食多左有關啦，哈哈～～～～

今朝，7點15分醒左，一於試下落街鬆一鬆先。
我起初都預左跑10k左右，不過唔知點解，
個人真係無乜力咁，跑落比較辛苦。

同時又感覺到左小腿又開始痛返，大件事啦，仲有兩星期就係
渣馬啦，希望唔好傷啦左跑唔到啦。

距離: 10km
時間: 1小時10分
消耗: 890卡路里

開新鞋 - 19仔(橙色)

早幾日, 下午MA(洗牙)前,

見有少少少少時間,一於去太子既東京,

買返對新跑鞋啦.

一黎舊既19仔(藍)已經陪左我差唔多600km啦.

佢都捱得好辛苦咯, 呢對鞋好正架, 著得好舒服,

最重要既係o岩哂我腳型,唔會跑完撞到D腳甲黑哂.

雖然只係陪左我參加一次既賽事 - 街馬, 但係始終都去到600km,

佢係時候退役啦....................

而新鞋都係不變,仍然係美記既19仔,今次醒神少少,

整左對橙色!!!

本來我係想入20仔架,

不過.......價錢有D硬淨, 惟有等下啦.

今晚差唔多10點15先落樓跑, 

預計都係跑一個小時就算,大概8k左右啦.

但係呢....可能新鞋既關係,

又可能抖左幾日,

好似好力左好多.

沿路跑既速度都保持到7分內,仲要係6分30左右.

中間都有喘氣既,但係力量上感覺好左.

最終竟然係9.16km.

突破到一小時9km啦.正呀!!!!!

~~~~~意料之外呀~~~~~

YEAH~~~~

時間: 1小時

距離: 9.16km

消耗: 803卡路里

有玩具 - 壓力小腿套

今次勁呀,見D跑友都有用壓力小腿套,
我就身痕試下買黎用下先.
又咁o岩blue個到大減價喎,所以完左主日學,
就去買返對用先.

其實我都唔知買邊隻架. 上到去,面矇矇咁問下個sales,
點買點用點好呀?
sales人兄好詳細咁講解,太好啦.

所以買左一對試下先,如果好用既,先再買.

夜晚本來好攰架啦,
但係呢......見尋晚跑到突哂,
今晚不如借個E鬆一鬆啦,順個便試下用對小腿套麻.

著上左之後,覺得小腿既肌肉比較實左,
無咁浪浪下咁.
同埋用力好左,跑得舒服左,
下轉長課都試下著住黎跑先.

整體感覺係非常之好.
所以如果再有減價,會再入貨.
哈哈~~~~

時間: 44分10秒

距離: 6.66km

消耗: 602卡路里

遲來的長課 - 第一擊 18km

其實跑得全,都確實係需要練下長課既.
咩叫長課?
跑得長跑既人就一定知,
就係用你最舒服既速度跑長D咯.
一黎練下你既肌力,二黎就係練下耐力啦.
人既身體係好奇妙.
今次跑10K辛苦,但過左之後,第二日最跑,就無咁辛苦.
人體既適應力係好強呀!!!

我見之前自己都好得七七八八, 都跑到1小時30分,
所以今晚一於試下跑全兩個鐘先.
要跑兩個鐘,如果圍住個圈跑,我諗一定會暈左.
同埋會好悶咯.

所以我今晚一於試下跑去T2客運大樓先.
都好耐無跑過去啦.

跑徑: 富東邨>東涌新碼頭>機場島>亞洲博覽館>T2客運大樓>亞洲博覽館>東涌新碼頭>映灣園>富東邨.

我今晚預算錯左,當去到心目中既時間,兩小時既時候,個人仍在映灣園.
但係我已經無哂力,跑唔起啦........點算.......唯有頂硬上啦,半行半跑之下,返到屋企樓下.
散哂~~~~~~~


繼續努力!!!
打算係渣馬之前, 都想整返轉 20km, 同30km既長課.
不過都要睇下時間先.
同埋2月12日就係啦,
練跑時都要注意下,如果係呢個時候整傷左就大件事咯.
出力@@~~

時間: 2小時12分
距離: 18.02公里
消耗: 1601卡路里

復出街馬 - 半馬

經過了一段呆滯的日子後，不是病了就是受傷。
今天從新出發。

先黎個半馬先

去年有報這個賽事，可惜賽事前兩天病倒了，不能落床。
那今次我要復仇，我要完成。

但之前練習太少，所以只求完成就好了。

起步了，可能受著賽事氣氛以及身旁的跑友影響下，我是跑快了的。
6分半pacing簡直是近年少有，但我跑動了。
過了十公里都可以，但一到了十五公里，就不行了。
速度慢了，但總算是跑動之中。

不過，一到十八公里，是跑不動了，要做步兵啦。
無法啦，我接受這個事實的，跑步是不能呃人的，有幾多就跑幾多，沒有了，想多一點也不行。

但為了完成賽事，我行也要完成！！
衝呀！！＠～～～

最終在３小時限制內，我用了２小時５５分完成。
哈哈～～～～

雖然各方面大會安排不是太好，有很多的進步空間，但若可以，我明年也想繼續參與！！！

加油！！！

距離: 半馬 = 21.0975公里

時間: 2小時51分鐘

消耗: 1784卡路里