雷利Training (14)

今日天朗氣清，一於上一上山先，順個便散一散呢排溫書既氣先。

今日原定路線：東涌～黃龍坑～大東山～伯公坳～鳯凰山～石門甲～東涌

但可惜天氣太熱啦，我帶左３Ｌ水，但當完成大東山到伯公坳時，只係剩返５００毫升水咋，實在太少，不宜博上去鳯凰啦，所以到左伯公坳後就落山閃咯。

早上同山友係富東邨食個靚早餐就出發啦。

一上黃龍坑都發覺好有問題，就係力量不夠，心肺好差，Ｄ汗不斷咁爆左出黎。同埋有ｄ賣老抽既感覺。

但上到大東山時，心情舒服哂，山上既境實在太靚啦。正呀！！！

當決定落山後，就經地塘仔去石門甲，但點解呢段路唔係落，反而係上上上上。。。。。散上加散，救命。
我己經無哂水，惟有忍耐到石門甲，打算去洗手間洗個面降下溫就算，但竟然係呢個時候，見到士多，即時眼發光，先隊左罐可樂先啦。哈哈！！！～～～

又一次救命可樂呀＠＠

如有機會，希望可以再上黎，除左練野之外，就係想欣賞神的創造。

正呀！！！

時間：７小時３３分
距離：１５.４４公里
消耗：１０７５卡路里