第二十九日：行山篇

今日同埋兩個東涌跑友去左行山，
我地由伯公坳出發，經南大嶼郊遊徑，鳳凰徑（引水道），到石壁，再去分流，二澳，終點係大澳。

為左呢個攞命山之旅，抖左幾日無郁到，
因為知道今日一定好甘............

起步前，係伯公坳合個照先！！

跟住南大嶼郊遊徑

可能少人行，好多雜草，同埋好多蜘蛛

遠遠望到我曾駐守過的“塘福懲教所”

終於落到引水道啦，天氣實在太熱啦，Ｄ汗水不停咁爆左出黎。

呢段引水道，其中一個路口可以落去塘福懲教所的。

轉個眼，就到左石壁水塘啦。我地係到休息一陣，嘆左陣冷氣，補充水份，又繼續出發啦。

呢段引水道既路程係最辛苦，囇到好應，同埋石屎路，反哂光，好熱............

終於望到分流啦，叫做完成到一半啦，但我感到自己開始無油啦，好攰呀。
以前曾黎過，但盪失路，去唔到炮台，今次點都要征服佢！！！

又係唔知點解，行唔到條正路，又盪失路，落左去沙灘到。
要搵路返上去，好在最終都搵到，但可惜，我有Ｄ覺得唔係好頂住順，好熱同埋好攰。

＊呢個沙灘好多垃圾，真係咩垃圾都有。唉............

係爆哂廠既情況下，終於黎到炮台，
但可惜無乜心情行去睇下啦，
太熱同太囇，完全想快Ｄ走人呀！！！！

呢到分流村，又唔知點解落去沙灘，真係好攰....................................又無乜水喎，不過............係呢個時候，搵到黎個士多，我從今日開始，改佢名為“救命士多”。
呢三支冰凍既水同埋呢罐可樂真係救左我一命。

同埋塗左防囇之下，加上汗水，一齊流哂入對眼到，加上我帶左隱型眼鏡，對眼非常之醃，雙眼紅到癲左。

＊以前都有黎過呢個士多，當時既伯伯已經行了一生的最後一步了，依家係佢個仔同新抱接手咯。

當我行到死下死下既時候，呢兩位人兄好似無郁過咁，不單可以跑，仲要係快嗰隻，傻架佢地，我有Ｄ後悔同佢兩個行山呀............救命！！！！

萬里無雲................................................

終於到左大澳啦，由於少少少少錯誤估計，成四點先到大澳，
我地無食過午餐，餓到癲左................................................

我地仲扮到精神影呢一張相...........................
唔理三七二十一，隊左碗豆腐花落肚先。

全長：２６.８公里
時間：６小時２３分
消耗：１７６１卡路里

總結：
過程真的是對我自己意志大磨練，有好幾十刻我是想放棄，但是眼見兩位跑友不斷地去去去去去，衝衝衝衝衝，真係比佢地搞到唔想停咯。所以話，有伴咁操下，係好事黎既！！！！

今次只係劃左大嶼山的一角，下轉黎個大挑戰，將呢條大“嶼”由頭到尾劏開佢！！！

第二十五日：１８９磅

終於穩定地維持在１８Ｘ磅啦。
真係好加加加把勁先！！

希望黎緊報玩一些半馬、全馬（渣打），可以在１７Ｘ磅既負重下完成啦。
今年年頭的渣打全馬，
可能天雨關係，體力消耗得好快，平時去到三十公里才會攰，
個日去到十二、三公里已經跑唔郁，
想做個好時間都簡直係妄想，能夠完成都已經對自己有交代咯。
下一個渣馬有以下目標：
１. 不停站地完成；
２. ５小時內完成；
３. 體重在１７５磅完成。


今晚本來想做下懶豬，唔知點解唔係好想郁，
但係又諗諗下，聽晚無得郁喎，再唔郁下，就去到星期四或者星期五啦，
隔得太耐啦，所以咪照落去跑下啦。

點知........又係封路........又係落雨........
想點呀........................................

本來跑跑下都興起想跑長Ｄ，不過因為落雨，
停左十分鐘左右，時間關係，只能草草了事。

總共跑左：７.３１公里
時間：５３分鐘
消耗：６５９卡路里

我呢對１９仔不知不覺都陪左我２８６公里啦，
每對跑鞋既壽命有概５００～６００左右，
睇黎都要望定下一對既跑鞋咯。

第二十四日：一週的好開始

又黎到星期一啦，每星期計算卡路里的開始。
每星期的開始，總是帶比我新的希望。
盼望今個星期沒有超標吧。

由於星期日沒有預備今日的午餐，所以早餐同午餐都要在外搞掂。
雖然在外進餐是帶來方便，但是卡路里的攝取量是很驚人的。
無法啦，有得就有失～～～～
唯有夜晚勤力Ｄ，跑下步消耗下啦。

今日跑步時，原本想跑去南路，睇下飛機，點知.............封路，
唉.............唯有跑入少少，但太黑都係離開機場島算啦。
當我跑返出去，諗住過左消防局再去下舊居，點知.............落雨，
再唉.............想點呀..........................　＞。＜
所以條路線，真真正正亂咁跑咯。

是是但但之下跑左：７.４公里
時間：５３分鐘
消耗：６６６卡路里

咁樣左一忽右一忽，跑得唔係咁爽！！！！

返到屋企，飲左黃太特別炮製既蔬果汁
今次有甘荀，西芹，蘋果，橙

正到爆呀！！！！

第二十一日：第三週

踏入第三週啦，黎個小總結先！

經過這三個星期的食物控制，卡路里的監控下，
由起初的１９５磅，現在已經過１８９.５磅啦。
叫做成功搣左５.５磅啦。

雖然距離我既目標仲有一大大大大段，
不過呢..........我都覺得自己好叻仔架啦。

每次都係咁，當有少少成績，就會自滿，
跟住就懶，然後就打回原型。

所以今日中午都唔懶，照係午飯時間整返轉先！！

總共跑左４.５公里

時間：３２分鐘

消耗：４０６卡路里

可能天氣太熱，Ｄ汗水不停的流出黎。

不過我鍾意！！！！～～

哈哈！！～～～

第一週：１９１磅

第二週：１９０磅

第三週：１８９.５磅

繼續努力！！！～

第二十日：堅持

其實我每天都想做運動出身汗，但是點可能咁好呀，

有時夜晚太攰，天氣太熱，食得太飽，推卻理由千變萬化既，咁就好容易比自己借口停下來了。

今晚都要入去中大聚會，夜晚都係跑唔到，所以係中午時間郁下啦。當然換好哂衫，出面落大雨，無法啦，唯有轉戰室內啦。

跑步機有一樣不好的，就是悶～～～真係好悶架，好似實驗老鼠仔咁跑呀.....跑呀.....跑呀.....但係無計啦，出面落緊大雨麻。

跑得悶悶地，所以跑得不多，時間二十分鐘就拉根沖涼走人咯。



總計：２２分鐘

長度：３.２５公里

消耗：２９１卡路里

（大根一碗白飯份量）

明天是第二十一日啦，第三個星期，黎個小總結先！！！！

第十九日：食物陷阱

一時口痕，完左聚會係美心西餅買左個日式燒餅，諗住係咁長既車程裏，可以咬下野，無咁呆麻，點知一食就大件事啦。

細細地一件６０克既燒餅仔，竟然潛藏住２１３卡路里。
就我體重而言，要跑３公里先消得哂，呢次真係中伏呀！！！

下次要小心小心！！

第十八日：不偷懶

由今日到星期五，有聚會參與，換句說，夜晚不能跑步咯。
唯有在午飯時間，出去跑返轉，雖然不是跑很多，但是能夠出一身汗，是好舒服的事。

由於時間不多，我只有３５分鐘可以跑動一下。跑完加埋拉根、壓腿，就差不多５０分鐘啦，沖埋個靚涼就剛剛好一小時了。

今日跑了４.２７公里，速度為７分１９秒／公里，總共消左３８６卡路里。

磅數：１９０磅
繼續努力！！！！

第十五日：散哂

由於颱風逼近，下午本來計劃收工時由赤柱跑出香港仔，
但為免跑時落雨，同埋收工想早點回家，
所以就一早起身出去整返轉啦。
由東涌至白芒來回。

但係......實在太熱啦..........又太早喎.......又未食早餐.........個地又硬...............
所有我想得出的理由都搬哂出黎。

真係有始以來，第一次跑得咁慢...........................

跑到隻野咁......都係消耗左688卡路里。

當完成左跑步後，就一家人去游池玩下水先。
東涌游泳池有一個家庭更衣室，但係入面是一個密室，
沒有窗，沒有通風，想焗死人..........咩...........

我浸完水&阿女玩完水後，就收到電話不用返工。
正呀！！！！

總結：

今日計埋玩水所消耗的，總共減去１０７５卡路里，

繼續努力！！！！

第十三日：190磅

實行"走肉一星期"的第一天，
宣佈失敗............
因為第一餐忘記左，食左個腸仔包。
都係一時大意ｏ者......哈哈!!!!

午餐為左彌補返上午早餐的失誤，
一於決心在外食情況下，叫了一碟羅漢齋飯。

繼續走肉之旅～～

但到了晚飯，太太為我預備左粟米肉粒飯，又一次失守了....................

一日三餐裏，失守左兩餐.................. >.< !

有見今日身體無痛，之前不是腰痛，就係小腿拉傷左，今日唔痛啦，一於跑多少少啦。
今晚好熱好焗呀，跑一公里左右，熱身拉根時已經爆哂汗啦。
不過我就係鍾意呢種流汗，正呀！！！

今晚跑左９公里，速度不快的，７分３０秒一公里，不過我就唔介意既，我只要有得郁，速度係其次。

跑完飲返杯蔬果汁先，今次用左蘋果，甘荀，西柚，西芹。

正呀！！！

第十二日：走肉一星期

由於星期一和星期二心情不佳，所以沒有寫任何文章，
當時給自己放兩天假吧。

星期一，好兄弟的爸爸安息禮拜。雖然跟他的爸爸見面不多，但我心中是十分敬佩他的。
盼望他在天家得到從主而來的安息。

星期二，在地鐵上發生的事件，雖然時間過了，但心中仍感到震憾的。震憾是在於明白自己更多。何等恐佈的一天。

回到今日，我想我要返會正常吧，不能這樣子讓心情一直沉下去的。
這裏是我的減肥日記，但同時我也想將我的心路歷程跟大家分享。

為了重拾健康，不得不在進食方面要努力點。
在早上，乘巴士回公司途中，又有一個奇異想法彈了出來。
這就是 ----  走肉一星期

嘗試食少一點肉類，給自己腸胃輕鬆點吧。
開始時間係.........今晚開始！！！

殺呀！！～～～～

第九日：是日休息

難得星期日放假，一於做隻懶鬼，
再加上星期四輕微拉傷小腿，
完全合乎懶鬼上身既條件。哈哈😁😁

今晚晚餐輪到我用廚房啦。
天氣焗熱之下，今晚唔煮飯，
整返個蕃茄濃湯米粉先。

1. 用豆漿機既濃湯功能整個濃湯，蕃茄用4個；
2. 配菜用娃娃菜、魚片、蟹柳、餃子；
3. 烚熟（2）材料備用；
4. 米粉用熱水整軟，隔去熱水，加上濃湯，再放上備用材料。
5. 完成


超好味呀！！！

第八日：散哂

今日是我足球教練的訓練實習日，

總共有兩場的實習。

第一場：龍城奮進計劃

對象是8至12歲的小朋友。

他們全部是一些低下階層的家庭，但我非常喜愛他們。

他們沒有華麗的裝備，亦沒有一身的名牌，但他們有一棵認真的心。

雖然有時會有情緒問題，亦有部分是非常有“性格”，

但不知甚的，我就是想盡我能力，教他們足球。

第二場：麗港城親子足球班。

對象同樣是8至12歲的小朋友。

他們是中層家庭長大的小朋友，可以說不用憂柴憂米的一代。

世事往往是這樣，有優越的環境下成長，理應有相當好的品格、水平以及教養，

可惜⋯⋯⋯⋯⋯⋯他們只在家長面前才裝出“乖模樣”。某程度上，我是認為他們是可悲的一群。常常活在安排妥當的環境下成長，有持無恐地成長，除了是成為“溫室小花”外，我實在想不到第二個形容詞。

盼望他們有朝一日，返回“現實”，成為“正常人”吧。

好啦，悶氣呻完，舒服了。

因今天連教兩場，精神及體力上有點兒累啦⋯⋯⋯⋯⋯

可幸的是星期四輕微拉傷的小腿，今天可用點力跑、踢。

復原進度理想，繼續努力！！

由於要好好地讓小腿休息，所以進食方面要倍加留意。

今天仍做到“收支平衡”，希望不出現“獲利回吐”啦。😁😁

第七日 - 191磅

尋日中午都係打算跑下步，出身汗，點知⋯⋯⋯
都唔知點解輕微拉傷左小腿，唉⋯⋯⋯⋯唯有休息一星期啦。

進食方面，要好好控制，
但對於為食的我真係好難好難。
每次肚餓時，就好似上身咁，係咁食食食⋯⋯⋯⋯⋯⋯
正宗“餓鬼”上身，哈哈！！

既然黎緊一個星期唔可以跑步，就一於試試我既控制啦。

今朝上磅190磅，進展非常理想，嘻嘻！

繼續努力！！！